"MKT İstehsalat Kommersiya” MMC “Qan Ver, Həyat Xilas Et” şüarı ilə növbəti könüllü qanvermə aksiyası keçirib.

"MKT İK” MMC “Qan Ver, Həyat Xilas Et” şüarı ilə növbəti könüllü qanvermə aksiyası keçirib.
Ümummilli lider Heydər Əliyevin 100 illik yubileyi və Qurban bayramı münasibətilə ötən illərdə olduğu kimi MKT İstehsalat Kommersiya bu il də Korporativ Sosial Məsuliyyət layihəsi çərçivəsində Mərkəzi Qan Bankı ilə birlikdə “Qan Ver, Həyat Xilas Et” şüarı ilə könüllü qanvermə aksiyası keçirib.
Məlum olduğu kimi, ölkəmizdə talassemiyalı xəstələrin donor qanına böyük ehtiyacı vardır. “MKT İstehsalat Kommersiya”-nın rəhbər şəxsləri də daxil olmaqla bölgələrdə fəaliyyət göstərən əməkdaşları artıq bir neçə ildir ki, qanvermə aksiyalarında könüllü iştirak edərək, qana ehtiyacı olanlara dəstək göstərirlər. Sözügedən aksiyanın başlıca məqsədi Hemofiliya və Talassemiya xəstəliyindən əziyyət çəkən uşaqların sağlamlığının qorunmasına kömək etməkdir.
Hazırkı belə bir tədbir 24 iyun 2023-ci il tarixində “MKT İK” MMC-nin İmişli filialında baş tutmuşdur. Könüllülük əsasında keçirilən aksiyada “MKT İK” MMC-nin əməkdaşları və bəzi fermerlər iştirak etmişdır.
Tədbir, Mərkəzi Qan Bankı tərəfindən ezam olunmuş xüsusi tibbi briqadanın tam nəzarəti altında və könüllü donorlar üçün yaradılmış müvafiq şəraitdə icra edilib. Mərkəzi Qan Bankının xüsusi tibb briqadasının həkim-hemotoloqları donorların sağlamlıq vəziyyətini yoxladıqdan sonra onlardan qan götürüblər. Götürülən qan nümunələri xüsusi laboratoriyada yoxlamadan keçirildikdən sonra Mərkəzi Qan Bankında toplanacaqdır.
Tədbirin sonunda, şirkətin marketinq şöbəsinin əməkdaşlarına Milli Hematologiya və Transfuziologiya Mərkəzi və Mərkəzi Qan Bankı tərəfindən “MKT İstehsalat Kommersiya” MMC-nin qan donorluğunun təşkilatçılığında fəal iştirakına və verdiyi dəstəyə görə “TƏŞƏKKÜRNAMƏ” sertifikatı təqdim edilmişdir.