"MKT İK" MMC əməkdaşlarının övladları arasında rəsm müsabiqəsi keçirib

Yanvar ayının ilk həftələrindən fevral ayının sonunadək fermerlər və filial əməkdaşlarımızın övladları arasında keçirilmiş pambıq, pambıqçılıq və "MKT İK" mövzulu "Rəsm Müsabiqəsi"-nin qalibləri təltif olunub.
6-15 yaşlı uşaqlar üçün nəzərdə tutulmuş bu müsabiqədə bütün iştirakçılara sertifikat, ilk 3 yeri tutan qaliblərə isə pul mükafatı verilmişdir. Əldə olunan rəsmlər peşəkar rəssamlar tərəfindən 3 kateqoriya üzrə 10 ballıq şkala ilə qiymətləndirilmiş və bu göstəricilərə uyğun qaliblər seçilmişdir. Daha sonra, iştirakçılar "MKT İK" MMC-in Saatlı filialında keçirilən tədbirə dəvət olunmuşdur. Ümumilikdə 10 pambıqçılıq rayonundan 30-dan çox iştirakçının qatıldığı bu müsabiqədə Saatlı rayonundan Əlizadə Zəhra 1-ci yer, Neftçala rayonundan Hacızadə Ərkinaz 2-ci yer, Ağcabədi rayonundan Məmmədli Turan isə 3-cü yerin qalibi olmuşdur.